Ĝentila animo mia, de la tero malĝoje foririnta tiel frue, ripozu en ĉielo tempoflue kaj tie ĉi mi vivu en sufero.
Se nur en via sido el etero pri vivo eblas rememorigi ĝue, la amon ne forgesu, kiun skue mi montris al vi en okulsincero
Kaj se vi povus juĝi min merita je iom da konsol' pro la dolor' vin perdi en la disto infinita,
al Dio petu, vin preninta al glor´, min porti tiel frue el tero spita, kiel li portis vin de mia kor'...
Luís de Camões El la portugala lingvo tradukis: Leopoldo H. Knoedt