Kiam mi estis aŭskultante la Radio Verda (http://radioverda.com) – tre interesa esperanta radio el Kanado - mi eklernas ke ekzistas interreta serĉilo tre konvena por esperantistoj: temas pri KUKOLO.

Mi provis kaj fakte trovas ĝin tre utila ĉefe kiam oni serĉas vortojn kun supersignaj literoj. Se ni uzas Guglo’n ni ekspertos problemojn pri tiuj supersignaj literoj ĉar Guglo ne ĝin akceptas. Ankaŭ ne estas rimedo la sistemo "x" ĉar tiam Guglo nur serĉos vortojn kun tiu sistemo.

Pere de la serĉilo KUKOLO, oni devas tajpi laŭ sistemo "x" kaj KUKOLO tuj ŝanĝos al supersignaj.

Tre grava estas la fakto ke la serĉilo montras ne nur vortojn kun supersignaj literoj sed ankaŭ esperantajn fleksiojn, "x" aŭ "h" sistemon kaj ankaŭ akuzativon.

Vere la serĉon faras Guglo kaj Kukolo estas fasado de ĝi. Mi legas ke tiu Kukolo estas farita de Ĵeromo Vaŝe. Miajn dankojn!

Mankas nun informo pri la retadreso : http://www.tekstoj.nl/kukolo/kukolo.htm

Jakob sep jarojn al paŝtista vago

ĉe l’ patro de Raĥel, Laban, sin bridis;

sed ne pro li, pro ŝi li sin decidis,

ĉar ŝin li celis dum la tuta ago.

La tagojn li pro unu sola tago

pasigis, ĝoja nur, ke li ŝin vidis,

sed antaŭzorge l’ patro lin perfidis,

kaj estis Lea, ne Raĥel, la pago.

Vidinte triste, ke ĉi trompaj faroj

al li la paŝtistinon ne permesos,

kvazaŭ li ŝin ne indus post l’aktivo,

li sin ekbridas dum sep pliaj jaroj,

kun dir’: - Mi plu min bridos, se ne ĉesos

por tiel longa am’ la kurta vivo.

Luís de Camões

El la portugala tradukis:

Leopoldo H. Knoedt

Fonto: KD Rapida Vojo - al Legado kaj Kanto.
Kantistoj: Amâncio Cardoso kaj Nadir de Oliveira.
Teksto: Sylla Chaves.

Bonan tagon! Bonan tagon
mi deziras al vi!
Havu bonan tagon!
Havu bonan tagon
vi kaj la famili'! 

Nun sidiĝu! Nun sidiĝu,
mia kara fraŭlin'!
Diru nun belsone:
Ĉu vi fartas bone?
Belulin', kisu min! 

Ĝis revido! Ĝis revido,
mia kara fraŭlin'!
Ĝis alia fojo!
Estos granda ĝojo
vidi vin, kisi vin!

Belmiro Martins

Ĝentila animo mia, de la tero

malĝoje foririnta tiel frue,

ripozu en ĉielo tempoflue

kaj tie ĉi mi vivu en sufero.

Se nur en via sido el etero

pri vivo eblas rememorigi ĝue,

la amon ne forgesu, kiun skue

mi montris al vi en okulsincero

Kaj se vi povus juĝi min merita

je iom da konsol' pro la dolor'

vin perdi en la disto infinita,

al Dio petu, vin preninta al glor´,

min porti tiel frue el tero spita,

kiel li portis vin de mia kor'...

Luís de Camões

El la portugala lingvo tradukis: Leopoldo H. Knoedt